موطنييييييي

بسم الله الرحمن الرحيم

طبعا هذي القصيدة انا كتبتها من فترة وصراحة مادري

شو اللي دفعني علشان اكتبها يعني ياني شعور مفاجأ

وان شاء الله تعجبكم القصيدة والسموحة تره مهما كتبنا في

الوطن ما راح نوفيه حقّه:

ما هو تكبّر لا قلت موطني مفخرة عبر الأزمان
ما هو تكبّر لا قلت موطني أسطورة من ذهب

يشهد التاريـخ جهـد أبـونا زايـد بن سلطان
كيف أسـس الـدولة وكم مرة بحياته تعب

شوفو مـوطني كم صـار وجـال في العمران
صار عندنا فنادق وأبراج توصل لين السحب

ودّي أمدح كل امـارة وأكتب لـها ديـوان
كأنهم جميلات متكحلات بكـحل الهـدب

بوظبي دار الظبي محد يسبقها بالميدان
فيها سيـدي الرئيس حاكم أحلى شعب

تدخل بها الأحداث مثل سيل المطر بالوديان
وتقدّم أحلى العروض ما عندها صعب

ولاّ دبي متزينة بعمرانها ماهي شرات زمان
حتّى الطفل لا دخلـها تعلّم اللـعـب

حكّامها على مر العصور سابقوا الزمان
وأقولها وراسي مرتفع هم فخر العرب

ونطوف على الشارجة تسطر الثقافة لها عنوان
متميزة بكل شي والتميز واصل للشهب

متنوّرة بزعيمها راعي الأصول والكرم سلطان
اللّي جعلها بحكمته أحلى مدينة للكتب

والحضارة يا عرب اكيد مالها غير عجمـان
تميّزت بالجمال والهدوء وروعة الدرب

حامي عرينها ما يسبقه أحد لين المكان
وتفوّقه من قوته يقلب الدنيـا قلـب

أمّا القويّة القوّة فيـها من زمــان
تاريخها يشهد كيف واجهت شد وجذب

ولا دخلنا راس الخيمة الله عالتطور والأمان
شوفو سكّانها حبهم للوطن من جد الى اب

يحكمها صقر القواسم اللي تاريخهم في الميدان
بشهد لهم التاريخ كيف انتصروا بالحرب

والفجيـرة متفـجرة من بيـن الأركان
أنهارها تروي العطشان وكل منها شرب

ويا حمد الشرقي مواقفك يشهد لها الجيران
الله عطاك من النسب فوق كل نسب

وختامها العين مزدهرة تبهر كل الأعيان
أسميها مدينة محبين يدخلها كل محب

يسلمووووووووووو حبيبي
بنتظار مزيدك